Heimasíða partalistans

[ heimasíðan | spjall | reglur | skráning og safn | tengingar ]

ATH!

Partalistinn fluttur yfir á sitt eigið lén og sitt eigið smáauglyingakerfi.

Nýji Partalistinn er: Partalistinn.net

Upplýsingar um gamla listann eru að finna hér fyrir neðan, sagnfræðingum til ánægju- og yndisauka.

Sumt tölvudót fæst ekki í tölvubúðum...

Þar sem mig hefur oft vantað ýmislegt svoleiðis, og hef átt helling af drasli sem ég mun aldrei nota sjálfur, hef ég sett í gang póstlista fyrir þá sem eru í svipuðum sporum. Þessi listi var í upphafi mjög rólegur, en hefur á nokkrum árum þróast út í að vera lang-öflugasti vettvangur landsins fyrir tölvu-tengdar smáauglýsingar. Gaman að því!

Póstfang partalistans er partalistinn@molar.is, öll bréf send á þetta netfang eru afrituð til listamanna. Sendu auglýsingar þínar þangað! Safn listans og skráningarform eru á molavefnum.

Hugmyndin er sú að ef við skiptumst á dóti og hugmyndum þá gangi okkur betur að púsla saman draumavélarnar sem við erum of nísk til að kaupa...

Ég vil líka nota tækifærið til að minna fólk á að gamlar tölvur eru ekki endilega ónýtar tölvur. Ekki henda einhverju sem virkar, sendu listanum póst og kannski kemur einhver og losar þig við það!

"Reglurnar"

Tilgangur listans er að tengja saman áhugamenn um tölvur sem eiga það til að búta gamlar græjur niður og raða þeim síðan saman aftur.

Öll umræða sem tengist þessarri áráttu er velkomin, að fáum atriðum undanskyldum. Það skal reyndar tekið fram að listinn hefur með tímanum þróast út í að vera fyrst og fremst vettvangur smáauglýsinga og nú starfar ritstjórn sem vísar frá bréfum sem virðast ekki falla að þessum reglum.



• Það má ekki auglýsa nýjar eða illa fengnar græjur til sölu á listanum. Ef slíkt kemst upp verður kveikt í heimili viðkomandi aðila(*). Ritstjórn áskilur sér annars rétt til að hafna bréfum sem vekja grunsemdir, en það skal þó tekið fram að allar auglýsingar eru á ábyrgð sendanda.
  
  
• Partalistinn tekur eingöngu við auglýsingum og umræðu sem tengjast tölvum, beint eða óbeint. Dæmi um hluti sem falla í þann flokk eru heilar tölvur, kassar, aflgjafar, hljóðkort, stýripinnar, afritunarbúnaður, skjáir, mýs, o.fl. Einnig hefur skapast hefð fyrir því að tekið sé á móti auglýsingum farsímabúnaðar af ýmsu tagi. (ATH: Þessi takmörkun hefur verið afnumin á nýjum vef listans.)
  
  
• Það má ekki nota listann til að rífast um eitt eða neitt.
  
  
• Allir á listanum vita nú þegar allt um gæði og notagildi allra stýrikerfa og tölvutegunda. Ekki reyna að sannfæra listamenn um að þín tölva sé best.
  
  

Aðrar áhugaverðar tengingar

• Preservation of Old Computers.
• Old computers treasured by fans.
• Obsolete Computer Museum.

• Vélbúnaðarsíður hjá Yahoo.

[ heimasíðan | spjall | reglur | skráning og safn | tengingar ]

---

ATH: Að gefnu tilefni skal tekið fram að þetta með íkveikjuna sé bara Grín. Ekki vera hræddur, elsku Ari, ég ætlaði aldrei að kveikja í húsinu þínu. Svona svona.

Við munum hinsvegar hafna bréfum og aðstoða yfirvöld við rannsókn sakamála ef þess þarf.