2013-04-19
Vitastígur 14A
Today I signed a contract to buy the top floor apartment at Vitastígur 14A. I payed lots of money. I plan to move in on the 1st of June and will make the final payment and receive the deed on July 1st. All pretty awesome.
I plan to rent out Barónsstígur, and posted the following status on Facebook to get the word out:
Jæja, ég skrifaði undir kaupsamning í dag og er því orðinn fasteignamógúll fyrir fertugt! :-P Nú þarf eitthvað mikið að gerast til að fyriræltanir mínar, að flytja á Vitastíg í byrjun júní næstkomandi, verði ekki að veruleika. Húrra!
Þetta þýðir að ég stefni að því að leigja út risíbúðina mína á Barónsstíg 39, frá 5. júní eða þar um bil. Ef þið þekkið fólk í íbúðaleit, þá má benda þeim á að hafa samband við mig. Ég mun að vísu hafa takmarkaðan tíma til að sinna þessu fram að kosningum, en það sakar ekki að byrja að láta þetta spyrjast. Netfangið mitt er bre@klaki.net, vil helst ekki fá símtöl vegna íbúðarinnar að svo stöddu.
Fyrir þá sem ekki þekkja til, er þetta tæplega 80fm risíbúð (4. hæð, engin lyfta) með þægilegu eldhúsi, borðstofu, stofu og tveimur svefnherbergjum. Svefnherbergin eru undir súð (og teljast því varla með í fermetratölunni), en hitt ekki. Plastparket er á öllum gólfum, nema klósett og bað (sitt hvort herbergið) eru flísalögð í stíl og mikið uppgerð (nýtt klósett s.l. sumar, nýtt stórt hornbaðkar frá 2006). Þvottahús í sameign, rúmgóð geymsla í kjallaranum. Geggjað útsýni út um eldhúsgluggann, smá afgirtur garðblettur á bakvið. Einhver húsgögn geta mögulega fylgt, eftir samkomulagi, annars fara hlutir í nytjagám Sorpu.
Þetta er fullkomin staðsetning fyrir unga fjölskyldu: leikskóli fyrir utan, Sundhöllin og Austurbæjarskóli hinumegin við götuna, Bónus á Laugaveginum innan þægilegs göngufæris, fimm mínútna labb á Hlemm.
Leiga er umsemjanleg, ég á enn eftir að reikna út nákvæmlega hvað ég þarf til að áætlanir mínar gangi upp, en ég hef meiri áhuga á góðum og skilvísum langtímaleigjendum heldur en að hámarka gróða.
