2013-02-05
Málþing SAFT
Facebook status sem ég vil eiga:
Var að koma af mjög skemmtilegu málþingi á vegum SAFT, þar sem ég tók þátt í fiskakúluspjalli um netöryggi og lagasetningu. Ég æsti mig aðeins um netsíur og náði með smá frekju að eiga lokaorð dagsins. Verst að ég man ekkert hvað ég sagði. ;-)
Ég náði víst að egna Snæbjörn greyið frá SMÁÍS út í það að segja að honum fyndist bara eðlilegt ef ríkið myndi lesa öll bréf allra og opna alla böggla (nú erum við að tala um sniglapóst) til þess að vernda hagsmuni skjólstæðinga sinna... ef þau orð dæmdu sig ekki sjálf þá er Íslendingum líklega ekki við bjargandi.
Svo var ég víst líka leiðinlegur við fulltrúa Videntifier, sem mér þótti pínu miður (sorrý Kristleifur) - en þegar fólk mætir á svona fundi og reynir að selja græjur til að hlera og greina sjálfvirkt alla nettraffík allra landsmanna með hátækni- njósnagervigreind, og blákalt lýgur því að þetta muni hindra misnotkun og ofbeldi (svarið er nei, glæpamennirnir kunna eða munu læra á dulritun, https, VPN, Tor, ...), þá verð ég bara fúll. Ég varð fyrir rosalegum vonbrigðum þarna með þetta annars efnilega fyrirtæki.
Áhugaverður dagur!
Viðbót: Krilli hjá Videntifier svaraði statusnum og vildi nú meina að þetta væru mistök og misskilningur og að þetta yrði leiðrétt...
