Við undirritaðir viljum leggja inn sameiginlega kvörtun undan óumbeðinni fjöldasendingu tölvupósts frá Júlíusi Sigðurðssyni, sem var framkvæmd fyrir hönd Halo ehf, þann 6. desember s.l.
Við teljum þetta vera brot á 14. grein laga um húsgöngu- og fjarsölusamninga 1), en sjö okkar fengum fleira en eitt bréf frá ofangreindum aðila án þess að hafa óskað nokkurn tímann eftir að eiga samskipti við hann. Við sjáum því ekki betur en að þetta sé lögbrot, þó að um sama texta hafi verið að ræða í öllum bréfunum. Við látum nokkur sýnishorn fylgja með, en úr þeim má m.a. lesa að þetta eru allt mismunandi bréf (dagssetningar og netföng í hausum eru ólík).
Það sem er þó alvarlegast í þessu máli, er misnotkun sendanda á
einkareknum tölvupóstlista.
Póstlistinn sem um ræðir heitir "partalistinn" og hefur vel skilgreint og afmarkað hlutverk: hann er vettvangur áhugamanna til að birta smáauglýsingar um tölvu- og tæknibúnað. Það er skýrt tekið fram á kynningarsíðu listans 2) hvert umræðuefnið sé og menn beðnir að fara ekki út fyrir það.
Póstlisti er hugbúnaðarkerfi með netfang. Það tekur sjálfkrafa á móti tölvupósti, fjölfaldar bréf og endursendir þau til margra einstaklinga. Áskrifendur voru rúmlega 350 þegar Halo sendi auglýsingu sína. Að senda póstlistum auglýsingar kostar þann sem rekur póstlistakerfið reiknitíma og bandvídd og rýrir jafnframt notagildi listans, því í hvert skipti sem farið er út fyrir efni þess missa einhverjir áskrifendur þolinmæðina og segja upp áskrift. Í þessu tilfelli er það sameiginlegt tjón þeirra rúmlega 350 manna sem nota listann, því það minnkar bæði mögulegan markað fyrir notaðar vörur auglýstar þar og minnkar líkur á að seljandi finnist þegar vöru vantar. Þetta mun einnig draga dilk á eftir sér og varanlega rýra gæði listans að öðru leyti, því að ósk áskrifenda er nú unnið í að koma upp ritstýringu á listanum sem mun kosta aukna vinnu við rekstur, vinnu við breytingar listakerfisins og mun tefja og hægja á samskiptum áskrifenda. Auglýsingar af þessu tagi eru því í flokki verstu skemmdarverka sem hægt er að fremja á póstlista.
Ennfremur var sendandi með þessu að villa á sér heimildir, því listakerfið merkir hvert bréf þ.a. móttakandi geti búist við að það falli að umræðuefni listans, sem þessi auglýsing gerði alls ekki. Burtséð frá því hvort um sé að ræða lögbrot eða ekki, þá er þetta argasti dónaskapur.
Loks má nefna að útilokað er að bein markaðssókn til áskrifenda póstlista sem rekinn er af þriðja aðila geti fallið að lögum um húsgöngu- og fjarsölusamninga, því án samráðs við umsjónarmann listans hefur sendandi engan kost á því að gæta þess að skilyrði laganna séu uppfyllt. Við teljum þetta því einnig vera lögbrot - úr þessum 350 manna hópi eru yfirgnæfandi líkur á að a.m.k. einn hafi afþakkað beina markaðssókn hjá Hagstofu Íslands.
Að lokum viljum við benda á að töluverða tækniþekkingu þarf til að
útfæra fjöldasendingu á borð við þá sem hér um ræðir. Sendandi hefur
þurft annaðhvort að eyða tíma í rannsóknir og hugbúnaðargerð, eða
leita á Netinu að hugbúnaði sem getur leyst verkefnið fyrir hann.
Ennfremur getur Internet á Íslandi staðfest að Halo ehf. hafi skrifað undir
og samþykkt notkunarskilmála 3) v/ nettengingar sinnar, þar sem
óumbeðnar fjöldasendingar af þessu tagi eru afdráttarlaust bannaðar.
Við teljum því algjörlega útilokað að sendandi hafi ekki gert sér grein fyrir að netverjar væru almennt á móti beinni markaðssókn með tölvupósti, hvort sem hann hefur vitað af lögunum sem hann braut eður ei. Þetta eru því síður en svo mistök sem má afsaka með fáfræði, heldur vísvitandi misnotkun á póstkerfum og netföngum þeirra hundruði manna sem fengu eintak af auglýsingunni.
Bjarni Rúnar Einarsson 300476-4229 Meðlimur í stjórn Félags íslenskra Netverja, umsjónarmaður partalistans Netfang: bre@netverjar.is Sýnishorn: bjarni-theyr.txt Elías Halldór Ágústsson XXXXXX-XXXX Kerfisstjóri, Reiknistofnun Háskóla Íslands Ingimar Róbertsson XXXXXX-XXXX Kerfisforritari Sýnishorn: ingimar-theyr.txt Jóhann Ó Jökulsson XXXXXX-XXXX Kerfisstjóri Már Örlygsson XXXXXX-XXXX Hönnuður Sýnishorn: mar-theyr.txt Richard Allen de Groot XXXXXX-XXXX Tæknimaður, Opin Kerfi Sýnishorn: richard-theyr.txt Þór Sigurðsson XXXXXX-XXXX Netsérfræðingur og Linux kerfisstjóri RHI Sýnishorn: thor-theyr.txt
4) Því miður var ekki hægt að láta öll eintök fylgja með, því sumir eyddu þeim áður en ákveðið var að leggja fram kvörtun.
Árni Baldvin Þórðarson XXXXXX-XXXX Námsmaður Ásgeir Unnar Sæmundsson XXXXXX-XXXX Vörubifreiðastjóri Björgvin S. Ármannsson XXXXXX-XXXX Davíð (XXXXXXX) Davíð Steinn Geirsson XXXXXX-XXXX PHP forritari og UNIX kerfisstjóri. Emil Örn Víðisson XXXXXX-XXXX Netráðgjafi Erling Ormar Vignisson XXXXXX-XXXX Vefhönnuður og forritari Georg Eysteinsson XXXXXX-XXXX Tæknimaður, Tæknival Guðlaugur S. Egilsson XXXXXX-XXXX Tölvunarfræðingur/verkefnisstjóri Helgi Hrafn Gunnarsson XXXXXX-XXXX Forritari Hrannar Örn Hauksson XXXXXX-XXXX Vef- og vefverslunarstjóri Nýherja hf. Framkvædastjóri og yfirforritari magnkaup.net Hörður Már Gestsson XXXXXX-XXXX Netstjóri Ísak Jón Benjamínsson XXXXXX-XXXX Kerfisstjóri Jóhann Ingi Albertsson XXXXXX-XXXX Tæknimaður Jón G. Guðmundsson XXXXXX-XXXX Skógfræðingur Karl Guðmundsson XXXXXX-XXXX Verkefnisstjóri Kolbeinn Þór Axelsson XXXXXX-XXXX Kristján Bjarni Guðmundsson XXXXXX-XXXX Tölvunarfræðingur Kristjón Sverrisson XXXXXX-XXXX Kerfisfræðingur Kristófer Sigurðsson XXXXXX-XXXX Vefforritari, Snerpa ehf. Magnús Gunnlaugsson XXXXXX-XXXX Tech Support, Síminn Internet Ólafur Helgi Haraldsson XXXXXX-XXXX Kerfisstjóri Páll Lúthersson XXXXXX-XXXX Forritari, nemi Sigurður E. Vilhelmsson XXXXXX-XXXX líffræðingur Smári P. McCarthy XXXXXX-XXXX Forritari Stefán Flego XXXXXX-XXXX Kerfisstjóri Tölvumiðstðvar Dómsmálaráðuneytisins Þröstur Jónasson XXXXXX-XXXX Kerfisstjóri Þröstur Már Svanbergsson XXXXXX-XXXX