Linux á geisladiski

Smá StarOffice 5.1 reynslusaga

ATH! Eftir að Sun keyptu Star Division, þá urðu þessar leiðbeiningar úreltar. Nýtt StarOffice án eftirfarandi takmarkana hefur fylgt brennslum 12 og 13 - þar mæli ég með að sett sé upp með "setup /net" skipuninni. Gamla er því miður orðið ónothæft (svona er að nota ófrjálsan hugbúnað - maður verður háður duttlungum stórfyrirtækja...).

Ég reyndi að setja StarOffice upp... það tók mig nokkrar tilraunir áður en ég varð ánægður. Ég er nefnilega ekki sáttur við að hver notandi þurfi að setja upp þessa hundruði megabæta á sínu heimasvæði til að geta notað ritvinnslukerfið! Það tók mig þrjár tilraunir að fá uppsetningu sem ég var sáttur við, og lýsi ég þeim hér á eftir.

Fyrsta skref, áður en eiginleg uppsetning hófst var að fara á vef Star Division og fylla út skráningu fyrir hugbúnaðinn. Slóðin að skráningarvefnum er: http://www.stardivision.com/office/so5linux_license.html.

Mikilvægt er að hafa alveg á hreinu hvað er skráð, því sömu upplýsingar, ásamt lykilorði sem vefurinn býr til, þarf að slá inn í uppsetningarforrit StarOffice.

Fyrsta tilraun

Ég gerði þau "mistök" að setja StarOffice 5.1 upp sem root (setti það í möppuna /opt/Office51), en ætlaði síðan að nota það sem dauðlegur notandi. Það virkaði ekki mjög vel.

Eftir nokkrar æfingar datt ég niður á eftirfarandi "lausn":

  1. cp ~/.sversionrc ~notandi
    chown notandi ~notandi/.sversionrc
  2. cd /opt/Office51
    chmod -R go+rw basic explorer store sofficerc

Eftir þetta gat notandinn ræst StarOffice og notað. Þetta er hinsvegar alveg örugglega ekki gáfulegasta leiðin til að gera þetta, því svona eru allir með sameiginlegt vinnusvæði, og mismunandi notendur geta skemmt fyrir hver öðrum.

Önnur tilraun

Ég prófaði multi-user uppsetningu, en hún virkar ekki með leyfinu sem fæst af vef Star Division...

Þriðja tilraun

Samskonar uppsetning og í fyrsta skipti, sem root, uppsett undir /opt/Office51, en í staðinn fyrir að breyta skráarheimildum þar bjó ég til skeljarforrit sem afritaði allar mikilvægu möppurnar á heimasvæðið mitt og leysti vandamálin með symbolskum linkum.

Sérhver notandi sem vill keyra StarOffice þarf að keyra skeljaforritið, og þá verður til mappa á heimasvæði hans sem inniheldur (vel rúmlega - það má alveg örugglega taka til í þessu!) það sem hann þarf að hafa skriftaraðgang að til að geta notað vöndulinn.

Þeir sem vilja geta sótt skeljaforritið.
Til að gera það keyrsluhæft þarf svo að skrifa "chmod +x myso51.sh".

Skipunin til að ræsa StarOffice er "/opt/Office51/bin/soffice", en einnig er vöndullinn aðgengilegur úr K valmynd KDE umhverfisins.

Bjarni R. Einarsson - bre@netverjar.is