Linux á geisladiski

Þetta var síðasta RedHat brennslan mín, því ég er farinn til Frakklands og verð þar í tæpt ár. Ég vil því þakka viðskiptin, og vona að þessi þjónusta hafi reynst flestum vel.

Áfram verður hægt að fá ýmis afbrigði Linux frá eftirfarandi aðilum (ath. þetta er ekki tæmandi listi):

• Palli nokkur býður (bauð?) upp á Linux til sölu, sbr. tilkynningu á spjallvef Linux.is.

• Linux á Íslandi eru með afrit af nokkrum mismunandi afbrigðum Linux, sem menn geta sótt endurgjaldslaust (f. utan flutningskostnað, sem fer yfirleitt beint í vasa Landssímans og/eða IntÍss!).
• Opin Kerfi eru með RedHat umboð.
• Nýherji eru með SuSE umboð.
• Bóksala Stúdenta selur bæði Linux bækur og geisladiska.

Tekur einhver við af mér?

Ef einhver vill taka við af mér og veita sambærilega þjónustu, þ.e.a.s. taka saman nýlegt Linux og selja á vægu verði, þá er ég fús til að vísa á vefsíðu viðkomandi aðila. Þeir sem hafa áhuga á að fara út í slíka starfsemi hefðu hugsanlega gagn af eftirfarandi punktum:

• Hugbúnaðurinn sem ég notaði til að brenna þessa diska er allur fáanlegur á vefnum.
• Það kostar ekki nema 64kr að senda disk hvert á land sem er með Íslandspósti (verð umslagsins er innifalið í þessari tölu). Diskurinn berst yfirleitt daginn eftir að hann fer í póst. Ég mæli eindregið með þessari aðferð, því reynsla mín er sú að þetta sé að jafnaði fljótlegra og minna pirrandi en að reyna að hitta fólk, hvort sem er heima hjá sér eða á vinnustað.
• Póstkröfur eru dýrar og óþarflega þungar í vöfum fyrir alla, bæði sendanda og móttakanda. Einfaldast er fyrir sendanda að láta leggja inn á reikninginn sinn, og ef menn hafa aðgang að heimabanka (ég nota heimabanka Íslandsbanka) þá er auðvelt að fylgjast með hverjir hafa borgað og hverjir ekki.

Gamla síðan

Leiðbeiningar:

• Hvernig skal panta eintak, verð o.fl.

• Hér eru leiðbeiningar um hvernig skal setja upp StarOffice 5.1. (úrelt)
• Handbók RedHat 6.0 er á ftp.linux.is.
• Vinix er félag áhugamanna um Linux og Unix, sem hefur það m.a. að markmiði að hjálpa byrjendum.

• Ráðstefnan is.tolvur.unix er sótt af mörgum færum Linux notendum, sem veita oft byrjendum aðstoð. (Prófaðu www.deja.com eða ráðstefnuvef Snerpu ef hinn hlekkurinn virkar ekki)

Hér má einnig lesa LESTU.MIG skrá disksins, en hún inniheldur lýsingu á innihaldi og hvernig hann er frábrugðinn RedHat 6.0 frá RedHat.

Ég reyni eftir fremsta megni að láta alltaf nýjustu uppfærslur frá RedHat fylgja með á diskinum. Breytingar á innihaldi disksins m.v. hip upprunalega innihald RedHat 6.0 geisladisksins má sjá í LESTU.MIG skránni.

Athugið að ég er að þessu af tómri hugsjón - markmiðið er ekki að græða. Markmiðið er heldur ekki að veita góða þjónustu og aðstoða menn meira en sem nemur vinnunni sem fór í að búa til diskinn. Málfar á þessum vefsíðum er óvandað og ónákvæmt.