Uppsetningar, tengingar.	Almennt Notkun  Öryggi   Forrit  Aðstoð Gallar Íslendingar
Hvernig Linux er sett upp

Ótal leiðir eru til að setja upp Linux á margskonar vélbúnaði. Algengasta afbrigði af Linux er fyrir Intel samhæfðar tölvur, þ.e. tölvur sem nota afbrigði af 80386, 80486 og Pentium örgjörvunum. Einnig er til Linux fyrir PowerPC (t.d. PowerMac), Digital Alpha, MIPS, Sparc og UltraSparc vélar.

Nokkur fyrirtæki hafa sérhæft sig í að framleiða geisladiska og handbækur sem innihalda allar þær upplýsingar og öll forrit sem þarf til að setja upp gagnlegt kerfi byggt á Linux. Einnig hafa nokkrir einstaklingar búið til smærri kerfi sem byggjast á Linux, sum sem passa á eina eða tvær diskettur, aðrar sem þú getur sett í möppu á harða diskinum þínum.

Fyrir áhugasama sem vilja byrja smátt mæli ég með að sótt sé diskettuuppsetningin LOAF eða möppuuppsetningin IronWing. Þó getur verið erfiðara að setja slíkt kerfi upp heldur en t.d. að fá lánaðan geisladisk og setja upp nýlega RedHat dreifingu. Þeir sem vilja byrja stórt gætu prófað að smíða eigin Beowolf-ofurtölvu með Extreme Linux, frá RedHat.

Í dag eru Opin Kerfi og Teymi meðal íslenskra fyrirtækja sem bjóða upp á Linux lausnir og þjónustu (ábendingar um önnur fyrirtæki eru vel þegin).

Nánari upplýsingar

• Linux Installation HOWTO - góð byrjun.
• Hér eru sérhæfðar upplýsingar fyrir þá sem vilja nota kjöltutölvur með Linux.
• Hægt er að kaupa Linux geisladiska og handbækur í Bóksölu Stúdenta og hjá Gagnabanka Íslands.

• RedHat er vinsælasti dreifiaðili Linux í dag. Auk "RedHat Linux" selja þeir selja tilbúinn "ofurtölvupakka" sem heitir Extreme Linux.
  Ath: Nýjasta útgáfa af RedHat Linux er ávallt aðgengileg á FTP þjónum Háskólans og Margmiðlunar. Hjá Opnum kerfum má finna (ókláruð) kennslugögn námskeiðs um uppsetningu RedHat.

• Debian GNU/Linux er ein besta Linux dreifingin, sérstaklega fyrir námsmenn eða aðra grúskara.
• Pacific Hitech er stærsti Linux dreifiaðilinn í Japan (á ensku..).
• S.u.S.E. er stærsti Linux dreifiaðilinn í Evrópu (á ensku..).
• Slackware hefur líklega verið lengst á markaðinum.
• Caldera skoraði nýlega Microsoft á hólm - þeir fullyrða að þeir bjóði betra stýrikerfi á lægra verði!

• LOAF er nothæft Linux kerfi sem kemst fyrir á einni diskettu!
• Dragonlinux: IronWing kemst í möppu á MS-DOS (eða Windows95) diski.
• Turbo Tortiose útgáfan er því miður illfáanleg.
• Ef þú vilt eiga nýstárlegasta bílahljómflutningstækið á markaðinum, þá ættirðu kannski að kíkja á þetta!

Þessa vefsíðu má endurnýta og dreifa samkvæmt OP/L skilmálunum.