Notkun - á íslandi.	Almennt Uppsetning  Öryggi   Forrit  Aðstoð Gallar Íslendingar
Hverjir nota Linux?

Linux er orðið mjög útbreitt, sumir áætla að á milli 2 og 6 milljón eintök af kerfinu hafi verið sett upp á síðasta ári (1997). Það er sambærilegt við fjölda nýrra Macintosh véla sem seldust á þessu sama tímabili.

Vegna stemningarinnar sem hefur þróast í kringum þetta stýrikerfi eru miklar líkur á að áhugamenn um tölvur prófi kerfið á sínum eigin vélum, og ef fólki líkar við eitthvað heima hjá sér aukast líkurnar á að kerfi fari að sjást smám saman á vinnustöðum.

Linux hentar einna best fyrir ýmiskonar net-verkefni. Til eru öflug tól sem keyra á Linux til þess að bilanagreina net, og Linux er víða notað sem einfaldur eldvarnarmúr (e. firewall). Linux skarar fram úr á flestum sviðum sem tengjast Internetinu, og þar sem vélbúnaðarkröfur Linux eru mjög litlar er kerfið oft notað til að nýta betur úreltan tölvubúnað.

Internetþjónustur um allan heim note Linux mjög mikið (meira en nokkurt annað stýrikerfi!), en fyrirtæki á öðrum sviðum gera það líka. Þar má nefna Digital Domain, en þeir notuðu Linux (og Windows NT) til þess að reikna myndirnar í kvikmyndinni Titanic. Nasa hefur sent Linux út í geim og DejaNews byggir kerfið sitt að verulegu leyti á Linux.

"Scholar Net" verkefnið í Mexico stefnir að uppsetningu nettengdra tölvuvera í um 140.000 skólum á grunn- og framhaldsskólastigi. Þeir munu nota Linux.

Linux Business Applications listinn telur upp gríðarlega margar vefsíður sem státa sig af því að keyra á Linux vélum.

Áhugahópar

• Hópur Íslendinga er að þýða KDE.
• Margir meðlimir partalistans eru að setja saman Linux vélar úr ýmsum afgöngum.

• Margmiðlun hf.
  Linux er notað til þess að reka innhringiþjónustu, vefþjón, gagnagrunn, póstþjónustu... og fleira, sbr. þessa síðu.
• Snerpa
  Internetþjónusta á Ísafirði sem notar Linux mjög mikið.
• Tölvumiðstöð Sparisjóðanna
  Linux miðlari er notaður til að einfalda skoðun Internetsins.
• Opin Kerfi
  Linux er notað til að leysa ýmis smærri verkefni innan fyrirtækisins.

• Félag Íslenskra Netverja
  Linux vél sér um póstlista, ráðstefnur og vef félagsins.
• Félag Stærðfræði og Eðlisfræðinema
  Linux er notað til að tengjast neti Háskólans og Internetinu af gömlum 386 og 486 tölvum.
• Félag Rafmagns- og tölvuverkfræðinema
  Linux er uppsett á vélunum í tölvuveri félagsins, á jarðhæð VR II.
  
  

• Háskóli Íslands
  Linux er notað við úrvinnslu mæligagna og lausn verkefna víða í verkfræði- og raunvísindadeild skólans.
  Linux var notað sumum í tölvuverum, og nemendur berjast nú fyrir því að fá það sett upp aftur.
  
  

Þessa vefsíðu má endurnýta og dreifa samkvæmt OP/L skilmálunum.

(*) ATH! Listinn hér fyrir ofan er birtur án ábyrgðar og án skuldbindinga (og stundum án vitundar) þeirra sem koma fram á honum.. kannski er ég bara að ljúga að ykkur! :-)

Ef einhver vill láta taka sig af honum þá þarf bara að senda mér tölvupóst og ég mun leiðrétta listann um hæl.