Kynning, stýrikerfi, afl og frelsi.	Uppsetning Notkun  Öryggi   Forrit  Aðstoð Gallar Íslendingar
Linux er frjálst, öflugt stýrikerfi

Tilgangurinn með þessum vefsíðum er að kynna GNU/Linux og taka saman á einum stað tilvísanir í helstu upplýsingasíður um þetta skemmtilega stýrikerfi. Allar athugasemdir og uppástungur eru vel þegnar!

Mörgæsin hér fyrir ofan er opinbert tákn Linux kjarnans, en þessi mynd var afrituð af vef Slashdot.

Kynning

Stýrikerfi . .

. . er kerfi sem sér um að einfalda og halda utan um aðgang forritanna sem þú notar dags daglega að vélbúnaði tölvunnar, eins og diskinn, skjáinn og lyklaborðið. Nútíma stýrikerfi sjá einnig um að skipta krafti vélarinnar á milli margra mismunadi forrita (e. multitasking), úthluta minni, sjá um netsamskipti og fleira í þeim dúr. MS-DOS, Windows, og MacOS eru líklega best þekktu stýrikerfin í dag.

. . hugbúnaður er skrifaður með því hugarfari að allir megi nota hann, gagnrýna og endurbæta eftir þörfum. Tryggt er að enginn geti náð slíkum tökum á búnaðinum að hann geti takmarkað notagildi hans eða gert ónothæfan með einhverjum hætti. Forritstexti (e. source code) frjálss hugbúnaðar er ávallt aðgengilegur.

Frjálsan hugbúnað má yfirleitt afrita og dreifa að vild, enda er hann næstum alltaf ókeypis. Það er einkennandi fyrir slíkan búnað að þróun hans er mjög ör, því allir sem hafa áhuga og hæfileika geta kynnt sér allar hliðar kerfisins og sniðið nákvæmlega að eigin þörfum.

Frelsi Linux er tryggt með GNU General Public License.

Meira má lesa um frjáls kerfi hjá opensource.org og The Free Software Foundation.

Þessa vefsíðu má endurnýta og dreifa samkvæmt OP/L skilmálunum.