Breytingu í prósentum skal reikna svona: (NÝTT / GAMALLT)*100 - 1. Þetta lærðu allir í menntaskóla (ef ekki grunnskóla).

Ef gamallt grunngjald fyrir heimilissíma var 820kr/mán, en þar af voru 152kr af notkun innifaldar, og grunngjaldið hækkar í 1068kr/mán og afslátturinn er felldur niður, hver er þá breytingin í prósentum?

(1068 / (820 - 152))*100 - 1 = 59% (nákvæm tala er 58,8802)

Af hverju segir Mogginn þá að Landssíminn sé að hækka gjaldskrána sína um 30%? Augljóslega er hækkunin 59% - nærri því tvisvar sinnum meiri hækkun en Mogginn talar um. Getur verið að það sé rétt hjá mér að gjaldskrárbreytingar Landssímans séu vísvitandi hafðar það flóknar að fæstir átti sig á því hvað sé að gerast? Og af hverju talaði Síminn um 142kr afslátt í dreifibréfinu sínu með síðasta símreikningi? Í nóvember var talan 152kr.

Samsæriskenningar eru skemmtilegar, en okur er það ekki. Nærri 60% hækkun á grunngjaldi símans er okur.

Ég þakka Nöldraranum fyrir að vísa á fréttina hjá Mogganum.

Uppfært: Ég held það sé kominn tími til að íhuga alvarlega að flytja númerið sitt til Íslandssíma. Nema hvað - grunngjaldið hjá þeim er það sama og fer hvort eð er beint til Landssímans. Andvarp.

Uppfært: Annað - talan sem ég nota, 152kr, er miðuð við símareikninginn frá því í Nóvember. Þá var afslátturinn búinn að vera að lækka í nokkra mánuði - hann var upphaflega um 200kr. Heildarbreytingin er því nær 72% heldur en 60%...