Jæja - nú er Landssíminn enn að hækka gjaldskrána sína, en dulbýr það eins og venjulega sem lækkun.

Eftir því sem ég best fæ séð er verið að hækka raunverulegt mánaðargjald í grunnáskrift úr 668kr í 820kr, því það á smám saman að afnema 152kr "innifalda notkun" án þess að neinar aðrar tölur breytist. Þetta ætti í raun að vera hækkun á mínútugjaldi, en þar sem þetta var sett upp sem "innifalin notkun" sjá þeir sér leik á borði með því að afnema afsláttinn og hækka þar með raunverulegan kostnað af grunnáskrift um 22% yfir rúmlega eins-árs tímabil (áfsláttur minnkar um 10kr/mán).

Til að bæta upp fyrir þetta er boðið upp á nýjungar: "léttáskrift" sem hefur svipaðan (ok, ok, lægri) grunnkostnað (620kr/mán), en mínútugjöldin eru *tvisvar sinnum* hærri en áður. Áii. Og "magnáskrift", sem er líka með þessu háa grunngjaldi (820kr/mán) en örlítið lægra mínútugjald. Afslátturinn af notkun er þar frekar lítill, og það tekur töluverðan tíma að vinna upp þessar 152kr sem maður er búinn að missa.

Ég hringdi í þjónustuver símans, og stelpan þar sagði að þetta væri rétt túlkun hjá mér en reyndi að flækja málið með því að tala um að þetta væri vegna einhverra tilskipana frá Póst- og Fjarskiptastofnun, v/ samkeppninnar við Íslandssíma. Afsökunin er semsagt að ekki megi niðurgreiða þjónustu sem er í samkeppni með þjónustu sem er í einokun - augljóslega á því að hækka gjaldið á einokuninni. Það er jú rándýrt að láta koparinn liggja óhreyfðann í jörðinni...

En þetta er allt of flókið til að almenningur átti sig á hvað er að gerast, og menn munu eflaust bara fagna nýrri flóknari gjaldskrá sem býður loksins uppá magnafslátt og bla bla bla. Og skítt með það... ég hef alveg efni á að borga þetta.

Uppfært 15:46: Lagaði smá klaufaorðalag í 2. málsgrein.