Ég er nú titlaður "netverji" í símaskrá Landssímans. Þar er einnig veffangið mitt skráð. Ef maður leggur svona mikið á sig til að halda úti heimasíðu, er þá ekki full ástæða til að láta það koma fram einhversstaðar? Það tók reyndar tvær tilraunir til að fá þokkalegt starfsheiti skráð þarna - fyrri tillögunni minni (tölvunörri) var hafnað því það var ekki nógu virðulegt eða eitthvað. Mér finnst samt að fólk mætti alveg gera sig að fífli með undarlegum starfsheitum í skránni ef það endilega vill... sérstaklega ef þau eru vel til þess fallin að greina milli alnafna í skránni. Ég fór að pæla í þessu í frh. af skrifum Más um sama efni.

Annars þýða allar þessar skráningar útum allt að það er óhemju auðvelt að stalka okkur Unni (hæ Elli!). Smell smell smell... og þú veist allt um mig. Meira að segja hluti sem þú vildir ekki vita. En mér finnst þetta einfaldlega of gagnlegt og skemmtilegt til að fara að hafa áhyggjur af því. T.d. fann ég heimasíðu nágranna míns í símaskránni, og var bara glaður.