Íslenska ríkið er snilldarfyrirbæri. Það er til í að endurgreiða manni tiltölulega stóran hluta vaxtanna sem maður þyrfti annars að borga vegna lána til að kaupa eigið húsnæði. Fallega gert af þeim!

Google fann síður á vef Íbúðalánasjóðs og vef Ríkisskattsstjóra sem útskýra þetta fyrirbæri alveg þokkalega. Fasteignavefur Moggans er ekkert alslæmur heldur.

Ég sé ekki betur en að við Unnur náum næstum því að fullnýta þær vaxtabætur sem okkur bjóðast, ef við tökum öll lánin sem okkur bjóðast. Með öðrum orðum... Ríkið tryggir að það kostar mig jafn mikið að fá 2.5 og 2.2 milljónir lánaðar hjá lífeyrissjóðnum mínum. Mér finnst það eiginlega bara fyndið.