Jæja, ég tók mig til í vikunni og endurskrifaði leitarvél Partalistans nánast frá grunni.

Nýja vélin er nú komin í loftið. Svei mér þá ef hún er ekki bæði hraðari (meðalleitartími kringum 0.03 sek, wú!) og betri í að finna hluti en sú gamla. Allt perl kóði að sjálfsögðu.

Ég á eftir að kenna vélinni smá íslensku, laga RSS/XML viðmótið, og fínstilla hitt og þetta - en vélin stendur sig nú samt alveg merkilega vel í þessari fyrstu útgáfu. Ætli ég hafi ekki lært eitthvað síðan síðast...

Annars er vísbending um útfærsluna fólgin í hraðatölunni hér að ofan. Vill einhver nörd draga ályktun um hönnun út frá henni? ;-)