Í gærkvöldi tók ég mig til og uppfærði Partalistann með kóða sem hafði tímabundið verið týndur inní milktop vélinni. Ég rann svolítið blint í sjóinn með það, setti kóðann bara inn og vonaði að hann myndi virka.

Hann gerði það. :-)

Ég byrjaði að vísu á að setja gamla dótið inn í CVS svo ég gæti bakkað ef þess þyrfti. En þess þurfti ekki og nú er orðið mun auðveldara að vinna með þetta dót. CVS er æði.

Vonandi þýðir þetta að ég get haldið áfram að vinna í þessu og klárað dæmið. Það er í raun ekkert mikið eftir, en mér finnst verkefnið búið að vera stopp allt of lengi núna.