Mér finnst gaman að fylgjast með fréttum af því hvernig væntanlegir borgarfulltrúar okkar skiptast á að ráða ekki við að mæta á fundi og kunna ekki að afboða kurteislega.

Þeir bara gefa hvor öðrum löng nef og væla til skiptis.

Magnað...

Þó ég hafi kosið F þá verð ég líka að viðurkenna að mér finnst pínu gott á Óla að vera svikinn um fund daginn eftir að hann sveik aðra. Og gott á hann að flugvöllurinn hafi verið notaður sem afsökun fyrir því. Það var nefnilega eina málefnið sem ég var ósáttur við hjá Frjálslyndum, það á bara enginn borgarstjórnarflokkur að vera að berjast fyrir að halda þessum flugvelli hér eftir að borgarbúar greiddu atkvæði um málið hérna um árið.

Ætli sjálfstæðismenn hafi ekki bara verið að táldraga Óla til að trufla viðræður hinna flokkanna og hræða Binga, svo hann samþykkti örugglega að gera allt sem þeir vilja? Snýst þetta ekki allt um völd og pólitík og samsæri, koma málefnin þessu nokkuð við í raun og veru? ;-)

Annars er ég, alveg síðan á laugardagskvöldinu, búinn að vera með á heilanum hið stórgóða Framsóknarlag sem Unnur og Jonni kenndu mér:

Álver í Viðey!
Álver í Viðey!
Álver í Viðey og herinn um kjurrt!