Ég er kominn með nýja dellu.

Ég er langt kominn með að skrifa Perl API ofan á netbanka Glitnis. Græjan tengist nýja GSM bankanum og túlkar það sem þar sést.

HTML GSM bankans er svo létt og sjálfu sér samkvæmt að það þurfti mjög lítinn kóða til að ná gengi gjaldmiðla, stöðu reikninga og kreditkorta, og yfirlit reikninga og kreditkorta.

Ég er ekki búinn að kenna græjunni að millifæra milli reikninga, en það væri ekki flókið verk að gera það.

En til hvers er þetta?

Ég verð að viðurkenna að ég er ekki alveg viss. Mig grunar samt að fyrsta forrit sem ég skrifa til að hagnýta þetta verði Dashboard widget fyrir nýja fína makkann minn. :-)

Stundum gerir maður hluti bara af því að maður getur það.

Kóðinn er hér.