Þar sem ég beið með hjálmahár og handfarangur eftir að geta tékkað mig inn í flug heim frá Heathrow, gekk enginn annar en Snoop Dogg framhjá mér, ásamt fylgdarliði.

Hann var hress.

Hann faðmaði að sér risastóra Apple fartölvu sem spilaði undir meðan hann kallaði "Is it a bird? Is it a plane?" og svo eitthvað fleira álíka hentugt til að vekja athygli pöpulsins. Sumt af því var á hiphopsku og ég skildi það ekki alveg, en það var að sjálfsögðu bara meira kúl fyrir vikið.

Ég brosti og vinkaði Snoop með flugmiðanum mínum um leið og hann rúllaði niður rúllustigann. Hann vinkaði brosandi til baka.

Næst þegar ég ferðast ætti ég kannski líka að vera með undirspil og fylgdarlið. Það virtist virka ágætlega.