Skattframtalið í ár var frekar einfalt. Allavegna mun einfaldara en framtalið í fyrra, þegar ég þurfti að útskýra skilnað okkar Unnar fyrir Ríkisskattstjóra.

Ég var sérstaklega ánægður með að geta látið netbankann minn forskrá fyrir mig helstu upplýsingar um lánið sem hvílir á íbúðinni minni, innistæður bankareikninga um áramót og þessháttar. Bankinn sem skipti asnalega um nafn fær stóran plús í kladdann fyrir þá þjónustu!

Ég tók líka þátt í kjarakönnun Félags Tölvunarfræðinga og er svona að spá í að kíkja á kynninguna í Apple umboðinu kl. 18 í kvöld. Planið er nefnilega að vinna fram á kvöld og maður verður að taka sér pásur af og til til að geta einbeitt sér...

Verða einhver kunnugleg andlit þar?