White Stripes voru æðisleg í gærkvöldi. Jack var töffari og Meg líka. Frábært að horfa á þau á sviði og gaman að hlusta á lifandi útgáfur af lögunum sem ég er búinn að vera að ofspila í græjunum heima undanfarna mánuði.

Samt var greinilega ekki allt eins og það átti að vera, einhver mórall í gangi. Jack dissaði Meg fyrir framan allan salinn. Skrítið. Vesen með hljóðkerfið var líka svolítið truflandi.

Ég er ekki frá því að maður þurfi að sjá þau aftur einhverntímann þegar þau eru í betra skapi og betra sándi, því þrátt fyrir þetta bull voru tónleikarnir alveg frábærir.