Í dag er annað skiptið á jafn mörgum mánuðum sem ég opna ólæstan bíl ókunnugs og slekk ljósin.

Þegar ég gerði þetta síðast var Anna með mér og hún var alveg steinhissa á uppátækinu, fannst þetta mjög sveitó. Henni fannst reyndar líklega einna merkilegast að bíllinn skyldi vera ólæstur. Við vorum samt sammála að þetta væri einn af kostunum við Ísland og Reykjavík, stórborgarvæðingin er ekki orðin algjör enn.

Ég verð reyndar alltaf pínu nojaður þegar ég geri þetta, ef eigandi bílsins sæi til mín er hætt við að hann myndi misskilja og bregðast illa við. Auðvitað er þetta líka bölvuð afskiptasemi hjá mér, kannski var eigandi bílsins viljandi að reyna að tæma geyminn sinn af einhverjum ástæðum! En ég efast samt um það.

Í dag voru engin vitni, ég komst upp með góðverkið. Wuhú! Svo monta ég mig bara á Internetinu... ;-)