Nördar og aðrir sem kunna að meta tjáningarfrelsi vesturlandabúa eiga það til að býsnast yfir því að Kínverjar skuli kerfisbundið ritskoða aðgang þegna sinna að Internetinu. Þar eru hlutir að sjálfsögðu gerðir með "siðgæði" og "hag þjóðarinnar" að leiðarljósi, en við hrokafullu vesturlandabúarnir blásum á þetta sem lélegar afsakanir fyrir ritskoðun og fasisma.

Danska fjarskiptafyrirtækið TDC hefur nú sett upp miðlægt rekið ritskoðunarapparat sem hefur það að yfirlýstu markmiði að takmarka aðgang Dana að barnaklámi.

Ég verð að viðurkenna að ég sé ekki mikinn mun á aðgerðum Dana og Kínverja. Þetta er bara spurning hvaða siðgæði miðað er við. Nema hvað að þetta er einkafyrirtæki hjá Dönum og væntanlega geta Danir kosið að fara með viðskipti sín annað. Eða hvað? Veit einhver eitthvað meira um smáatriði útfærslunnar?

Hvort eru Danir fasistar eða gagnrýni okkar á net-stefnu Kínverja óeðlilegur?