Ég er kominn heim frá Finlandi. Finland var æði. Þar áður var Roskilde hátíðin líka æði.

Ferðin öll var frábær, en hún hefði ekki mátt vera mikið lengri samt, við Ingó vorum báðir farnir að þreytast og komnir með heimþrá undir lokin.

Það var ótrúlega gott að koma heim í nótt, láta rigna aðeins á sig og sofna í rúminu sínu með kærustunni sinni. Við Ingó vorum farnir að væla álíka mikið undan sól og hita og bloggheimar virðast væla undan rigningunni hér heima...

Þegar líður á vikuna verð ég vonandi kominn aðeins í gang með vinnudót og aðrar rútínur og get farið að sinna Partalistaþróuninni aftur. Ég er búinn að fá fullt af góðum ábendingum og margir hafa gert mér þann greiða að prófa nýja vefinn.