Í dag endurbætti ég Perl vefþjóninn minn svo hann afkastaði sirka 200 síðum á sekúndu (2MB/s af gögnum) á vinnuvélinni minni. Prufusíðan var "shtml" síða sem samanstóð af fjórum statískum skrám og þremur vísunum í mjög einfalt Perl "CGI" forrit.

Fólk ætti að segja mér oftar að Perl sé hægvirkt, þá gerast nefnilega góðir hlutir.

Gaman! Næst á dagskrá er að nota græjuna í eitthvað vitrænt... :-)

Í öðrum fréttum reyndu tvær mismunandi stelpur að hjóla á mig í dag, ég fór í sund, eldaði mér pasta, keypti í matinn, horfði á flotta fornbílalest og sá ótrúlega dónalegan ökumann (á nýlegum bíl). Á morgun ætla ég að panta flug frá Köben til Finlands og tilbaka, eftir Hróa og fara á Karate-æfingu.

Nú ætla ég hinsvegar út að drekka bjór. Skál!