Eftir að ég eignaðist nýja gemsann minn (Nokia 6230) er ég farinn að gera mun minna af því að tala á hefðbundinn hátt í síma.

Ef fólk hringir í mig þegar ég er eitthvað á vappi (og hlustandi á tónlist), þá nota ég handfrjálsa búnaðinn. Ef fólk hringir í mig þegar ég er einn heima eða einn á skrifstofunni, þá nota ég hátalara símans og læt hann bara liggja áfram á borðinu.

Hvorttveggja finnst mér þægilegra heldur en að halda símanum upp að eyranu. Mér finnst þetta eiginlega algjör snilld.

Það eina sem er, er að ég hef ekki hugmynd um hvernig þetta hljómar fyrir viðmælendur mína. Endilega látið mig því vita ef það heyrist illa eða asnalega í mér, annars held ég bara áfram uppteknum hætti.