Ég hef tekið saman aðferðina sem ég nota til að skrifa fullt af jólakortum í 20 einföldum skrefum fyrir ykkur hin sem eru á seinasta snúningi með þetta alveg eins og ég:

1. Búa til lista yfir fólk sem skal fá kort
2. Kaupa kort sem styðja góðan málstað
3. Vaka til miðnættis
4. Raða kortum í kringum fartölvuna
5. Borða súpu
6. Skrifa á eitt kort
7. Spjalla í símann við Unni
8. Skrifa á annað kort
9. Spjalla við frænda sinn um kvenfólk
10. Skrifa á fjögur kort
11. Lesa blogg, smá pása hlýtur að vera í lagi.
12. Muna í framhaldi af blogglestri að maður sé ekki enn búinn að sjá nýtt myndband Brúðarbandsins.
13. Sækja myndbandið og komast að því að það spilast ekki.
14. Fara á Google og athuga hvernig auðveldast sé að setja upp mplayer á SuSE 9.1.
15. Sækja um það bil 20 mismunandi RPM pakka og setja upp.
16. Horfa á Brúðarbandsmyndbandið. Vei, það er snilld!
17. Fatta að líklega sé líka hægt að nota mplayer til að horfa á internetklám, kanna málið. Júbb, virkar.
18. Muna skyndilega að Strong Bad sé fyndinn, horfa á sirka 30 teiknimyndir með honum.
19. Fá samviskubit
20. Blogga um hvernig skuli skrifa jólakort.

Þetta er pottþétt aðferð! Mæli með henni.