Það horfir til vandræða hvað mér finnst gaman að hringitóninum í nýja símanum mínum. Þegar fólk hringir finnst mér freistandi að svara ekki strax svo ég geti hlustað aðeins lengur á Banana phone lagið. Það er sérstaklega hætt við því meðan ég er enn hálf sofandi.

Annars komst ég að því í gærkvöldi að það fer mjög vel að nota mynd af nöktu kvenfólki í sturtu sem bakgrunnsmynd.

Eigendur 6230 síma eru nefnilega neyddir til að vera með ljósa bakgrunnsmynd, því letrið hefur það sameiginlegt með gömlu Ford bílunum að allir litir eru í boði, svo lengi sem þeir eru svartir.

Húðlitur og sápufroða svínvirka undir svörtum stöfum. ;-)