Í næstu viku fer ég ásamt nokkrum öðrum góðum Linux mönnum á fund hjá Menntamálaráðuneytinu til að kynna Linux og þýðingar opins/frjálss hugbúnaðar fyrir fólki þar.

Ég stefni að því að útbúa fyrir fundinn sérsniðinn Knoppix geisladisk sem inniheldur íslenska þýðingu KDE og mögulega einhver önnur forrit sem gætu þótt viðeigandi en vantar í upprunalega Knoppix kerfið. Ég myndi brenna nokkur eintök af diskinum og gefa fulltrúum ráðuneytanna eintök, svo þeir gætu skoðað nánar og sýnt vinnufélögunum sínum. Eins og gefur að skilja er þetta spennandi tækifæri fyrir Linux hjá hinu opinbera og ég vil gefa sem bestu mynd af því hvað kerfið hefur upp á að bjóða.

Ég er búinn að finna þægilegar leiðbeiningar um hvernig skuli sérsníða Knoppix og búinn að sækja Knoppix 3.6 ... en fyrir utan íslensku þýðingar KDE hef ég ekki hugmynd um hverju ég ætti að bæta við (meðal annars af því að ég á alveg eftir að bútta Knoppix sjálfur og skoða).

En semsagt, allar tillögur eru mjög vel þegnar. :-)