Mér finnst félagið Netfrelsi áhugavert. Þetta virðist, af stefnuyfirlýsingunni að dæma, vera einskonar "Netverjar II", nema stofnað sem stuðningshópur fyrir DC++ fólkið sem er/var ákært fyrir stórfelld höfundarréttarbrot.

Ég get ekki að því gert að finnast það hæpinn útgangspunktur fyrir hagsmunasamtök sem vilja láta taka mark á sér... en ef þau hafa krafta og áhuga á að sinna einhverjum af hinum málefnunum þá er það bara gott mál.

Í algjörlega ótengdum fréttum (og þó ekki alveg, ég fann þessa grein meðan ég var í upplýsingaleit vegna mp3-kóðunar eigin geisladiska), þá rakst ég á mjög áhugaverða og skemmtilega grein um hvernig Moloko vinna tónlistina sína. Mér fannst til dæmis merkilegt að lesa að Roisin ofurskutla skuli sjá um allar raddirnar á diskunum; karlraddirnar líka!

Þau eru töffarar.