Ég fór óvart á fullt af Airwaves tónleikum þessa helgi, þrátt fyrir að eignast ekki armband fyrr en eftir miðnætti í gærkvöldi (takk Jonni!) og hafa í raun ekki ætlað að eltast neitt við þetta.

Ég sá:

• Eyvör Páls
• Brúðarbandið
• Botnleðju
• Úlpu
• Ensími
• Sahara Hotnights
• Hot Chip (í 12 Tónum)
• Hraun
• Trabant
• Gus Gus

Mér fannst þetta allt æði nema Ensími, þeir eru ekki alveg minn tebolli. Af stemningunni í salnum að dæma stóðu þeir sig nú líklega samt alveg ágætlega. Props til Brúðarbandsins fyrir nýja lagið og props til Hrauns fyrir frábæra stemningu þennan stutta tíma sem ég leit inn til þeirra.

Mér finnst Airwaves alveg frábært framtak. Hlakka til næst. :-)