Mér finnst gegla asnalegt orð. Kem því engu að síður hér á framfæri ef einhver skyldi vera ósammála mér.

Að djöggla (gegla?) er þjóðaríþrótt okkar *nix-nördanna í FRISK. Við erum flestir að fikta við þetta og hvetjum hina til að spreyta sig. Það eru því allmargir marglitaðir boltar sem boppa hér upp og niður í tíma og ótíma.

Ég er búinn að ná þeirri leikni að geta djögglað (þremur boltum) og lesið bloggsíður, fréttir eða kóða á sama tíma.

Ég þarf hinsvegar að taka pásur til að fletta eða skrifa eitthvað sjálfur...

Ég er að íhuga að koma með kylfurnar sem ég á heima í vinnuna, en veit ekki alveg hvort það er ráðlegt sökum slysahættu og lítillar lofthæðar.

Uppfært 2004-10-21: Ég mætti með kylfurnar í dag, mun betra að hafa þær hér en í geymslunni heima. Hér er búið að vera stórhættulegt og hávaðasamt alveg síðan. Mjög gaman! ;-)