Áðan rölti ég í Íslandsbanka við Hlemm og setti afsalið af íbúðinni okkar, kvittanir fyrir hlutabréfum, ráðningarsamning og bunka af nýskrifuðum geisladiskum í bankahólf sem ég tók á leigu þar fyrr í vikunni.

Geisladiskarnir innihalda afrit af öllu stafræna myndasafninu okkar hjónanna, flestum forritum sem ég hef skrifað frá upphafi, persónulegan tölvupósti, B.A. verkefninu hennar Unnar Maríu, stóran hluta af tónlistarsafninu okkar og allskonar aðrar skrár af tölvunni heima.

Í næsta mánuði mun ég fara með annan bunka af geisladiskum (restin af tónlistarsafninu, nýjar myndir o.fl.) og þær filmur sem ég finn heima.

Þar með verður stór hluti af óbætanlegum, persónulegum eigum okkar tryggður gegn eldsvoðum, þjófnaði og öðrum skakkaföllum.

Hólfið kostar sirka 1300kr/ári, auk tæplega 700kr stofngjalds. Geisladiskarnir kostuðu í kringum 2000kr. Ódýr trygging fyrir ómetanlega hluti.

Ég er að hugsa um að fara að geyma afrit af gögnunum á Klaka í þessu hólfi líka. Reyni líklega að koma upp kerfi í kringum það eftir Hróarskelduferðina.