Jæja, þá er ég farinn að fá áreitandi skilaboð frá Microsoft um að ég sé að nota "óöruggan hugbúnað" til að tengjast MSN, eins og Tryggvi talaði um, um daginn.

Klukkan tifar, bráðum dettum við Linux notendurnir út af MSN netinu og þið í Windows heiminum verðið bara að vera án okkar. Linux nördarnir hérna í vinnunni eru byrjaðir að Jabber-væðast...

Maður svona veltir fyrir sér hvort lokun MSN eigi kannski bara eftir að verða til þess að Jabber fari loksins á almennilegt flug. Það má alltaf vona!

Efst til vinstri hægri á dagbókarforsíðunni má sjá hvaða nöfn ég er með á hinum ýmsu spjallnetum, fyrir þá sem vilja ná sambandi við mig.

Linux nördar sem vilja komast í gott textahams-spjall forrit fyrir Jabber, MSN (enn sem komið er), IRC og hin kerfin ættu að kíkja á CenterICQ - það svínvirkar fyrir mig. Vinnufélagarnir eru flestir að nota GAIM.

Uppfært: Windows notendur ættu kannski að fylgja ráðum Más hvað varðar forritaval.