Stundum er ótrúlega erfitt að standast freistinguna að spjalla og spjalla og spjalla við skemmtilegt fólk yfir IRC eða MSN frekar en að vinna... ég skil alveg að sumir vinnuveitendur vilji banna þetta á sínum vinnustöðum.

Samt er ég mjög á móti slíku banni. Svona spjall hefur nefnilega alltaf reynst mér mjög vel í minni vinnu, þegar ég hef þurft að ræða tæknimál við einhvern vinnufélaga eða eitthvert gáfnaljósið sem ég þekki útí bæ. Eða bara til að bæta móralinn og efla samstarf með fólki sem maður sér kannski ekki nógu oft.

Og ef maður er eitthvað óeinbeittur, þá mun spjall-leysi (eða jafnvel net-leysi) ekkert leiðrétta það... það er alltaf nóg annað hægt að gera heldur en vinna.

Til dæmis skrifaði ég núna dagbókarfærslu í staðinn fyrir að spjalla. Dæmigert. :-)