Jæja, ég er búinn að útvíkka þjónustu pilluáminningarinnar til að koma til móts við þarfir eftirfarandi hópa:

• Kvenna með lengri/styttri tíðarhring en 28 daga
• Fólks sem vill fá margar áminningar á dag
• Fólks sem fílar ekki brandarana mína og áróður

Hvort þessir hópar eru til eða ekki, og hvort þeir vilja nota pilluáminninguna eða ekki kemur svo bara í ljós. :-) Til að flækja ekki málin fyrir þorra fólks eru þessir nýju möguleikar á sérstöku "flóknu" eyðublaði, sjálfgefna umsóknareyðublaðið er svo til óbreytt.

Eftir er að útfæra þá virkni að fá skilaboð á n-daga fresti, í staðinn fyrir að fá skilaboðin daglega, ég sé til hvort ég nenni því fljótlega eða bara einhverntímann í fjarlægri framtíð. Þetta er allavegna framför, húrra fyrir mér. Er ekki sniðugt að gera eitthvað svona þegar maður er nýbúinn að dissa feminista?