Eftir alla vitleysu dagsins fannst mér ekki úr vegi að fjalla um eitthvað sem skiptir raunverulegu máli.

Þjónusta RSS molanna hefur nefnilega tekið miklum stakkaskiptum í dag. Um nokkurt skeið hefur verið til siðs að kalla þjónustuna í daglegu tali rassamolar, sem er (með fullri virðingu fyrir sambloggurum mínum) að mörgu leyti mjög gott nafn.

Til að koma til móts við háværar kröfur bloggheims hef ég því bætt við eftirfarandi nöfnum, sem nota má til jafns við "RSS.molar.is" þegar vísað er á þjónustuna:

• RASS.molar.is
• RASSA.molar.is

Verði ykkur að góðu. Athugið að það gæti tekið allt að sólarhring fyrir nýju nöfnin að verða virk á gjörvöllu Internetinu.

P.S. Já, ég veit, ég á eftir að samþykkja sirka 10.000 umsóknir nýrra rassa. Lofa að gera það fyrir jól! Sorrý! :-)