Mikið leiddist mér á laugardeginum á Agora. Það var mjög, mjög fámennt og af þeim sem mættu voru mjög fáir sem höfðu áhuga eða not fyrir póstsíuna sem við vorum að kynna. Föstudagurinn var skárri, en þá var maður í staðinn í þeirri mis-skemmtilegu aðstöðu að þurfa endurtaka sömu tuggurnar aftur og aftur og aftur og aftur, og vera hress og brosandi allan tímann.

Ég held reyndar að sýningin í heild hafi komið ágætlega út fyrir fyrirtækið - við náðum að kynna þetta dót þokkalega fyrir fullt af fólki og nokkuð margir virtust áhugasamir. Ég lenti ekki í neinum sem gat rekið mig á gat með kvikyndislegum tæknispurningum... :-)