Jæja, þá er ég búinn að endurskrifa kerfi Pilluáminningarinnar og taka nýja kerfið í notkun. Nú er ég búinn að laga þá galla sem ollu því að áminnigin gat farið í klessu þegar álag á Klaka fór upp úr öllu valdi og leggja grunn að því að geta boðið upp á fjölbreyttari áminningarþjónustu.

Mig vantar semsagt bara hugmyndir um hverskonar áminningar væri gott að fá sent með SMS og tíma til að smíða fleiri viðmót á nýja bakendann...

Einnig hef ég bætt við stuðningi fyrir SMS gátt Íslandssíma, sem gæti komið sér vel seinna meir (í augnablikinu er gátt Símans notuð fyrir öll númer sem byrja á '8', því ég hef ekki hugmynd hvaða númer tilheyra Íslandssíma og hvaða númer tilheyra Landssímanum - upplýsingar um þetta væru vel þegnar!). Kóðinn hefur verið uppfærður.