Pilluvakinn hjá Doktor.is er alveg glettilega líkur Pilluáminningunni minni - nema þeir ætla að rukka 19kr fyrir hvert SMS, meðan þau sem ég sendi eru ókeypis.

Í bréfi sem þeir sendu póstlistunum sínum héldu þeir fram að þetta væri "nýjung á Íslandi". Telst það vera nýjung að okra á stolinni hugmynd? Líklega! :-) Vill ekki einhver með stærri fjölmiðil en ég gera grín að þeim?

Uppfært: Ef kerfið þeirra er nógu gáfað til að taka hlé þegar stelpurnar fara á túr (eins og mitt gerir) þá kostar þessi þjónusta um það bil 5200kr á ári - en ef kerfið þeirra er heimskt þá kostar þjónustan næstum 7000kr/ári. Nú er áminningin mín með 289 áskrifendur... get ég leyft mér að halda því fram að ég sé að gefa íslensku kvenþjóðinni 1.4 milljónir á ári? Rosalega er ég góður!

Uppfært 14.08.02: Vefstjóri Doktor.is sendi mér svar við þessari færslu. Forvitnir geta lesið svarið hans, ásamt svari mínu við því.