Felst trú í því að segja "fljúgandi bleikir fýlar eru ekki til"?

Ég held að það sé mikilvægt að gera greinarmun á því að "trúa" einhverju - þannig að maður treysti því eða geri ráð fyrir því - og trúa einhverju af svo miklli og heitri innlifun að það geti flokkast undir "trúarbrögð". Ég held að svona umræða megi ekki fara út á þær villigötur að leggja þetta tvennt að jöfnu. Vissulega getur svæðið þarna á milli verið grátt á köflum - en ég held að það sé samt mikilvægt að reyna að halda þessu aðgreindu.