En ég viðurkenni fúslega að ég var að sumu leyti að hugsa um endalaust tuð sem fer fram á Annálavefnum og skotin sem rigna yfir þá strákana utan úr bloggheimum. En þið eruð bara ekkert ofboðslega einstakir, þetta er ótrúlega algeng hegðun og mér finnst hún apaleg allsstaðar þar sem hún kemur fyrir.

Hvað hitt varðar, þá tel ég orðið "trúleysingi" vera rökleysa. Fólk hefur alltaf einhverja trú í maganum, einhverja hugmynd um hvernig heimurinn fúnkerar og hvað sé satt og hvað ekki. Fólk sem heldur fram að það sé trúlaust er í flestum tilfellum að halda fram í raun að það trúi því að önnur trúarbrögð séu röng. Það er samt ákveðin trú - því sama hvað menn rembast þá munu þeir aldrei geta sannað á einhvern vísindalegan óhrekjandi hátt að þeir hafi rétt fyrir sér. En þeir trúa því bara samt, trúleysingjarnir. Það er skemmtileg þversögn og þessvegna sem ég leyfi mér að uppnefna þá "svokallaða trúleysingja".

Þú þarft ekkert að taka það til þín frekar en þú vilt. :-)

Ef heimsmyndin þín er nægilega fullmótuð til að útskýra af hverju þér finnst þetta ekki eiga við um þig, þá máttu það reyndar alveg, það er eflaust fróðlegt.

Ég kalla mig frekar efahyggjumann, því ég einmitt trúi að ég viti ekki nógu mikið til að geta tekið afstöðu með eða á móti neinum trúarbrögðum. Ég bara efast og hef mína eigin "trú" sem heitir ekki neitt.