Ég reyndi einu sinni að ræða nauðganir í vísindalegu samhengi við hóp af fólki að meirihluta konur með afskaplega slæmum árangri. Það kann aldrie góðri lukku að stýra að tengja svona tilfinningatengda og viðkvæma hluti við rannsóknarniðurstöður, samanburðarhópa, áreitastýringu og svo auðvitað þróunarkenningu Darwins. Kannski vissi Guðrún betur en vissi að þessi framsetning á efninu myndi falla betur í kramið.

Guðrún hefur komið reglulega í blöðunum síðustu tvö ár að mig minnir og alltaf sagt nákvæmlega þetta sama. Held þetta sé hennar einlæga skoðun. Það sem fer í taugarnar á mér er að því er aldrei velt upp hvort að hin meinta klámvæðing sé orsök grófari nauðgana eða hvort að kynlíf fólks hafi, eftir sprengingu í allri umræðu um kynlíf, ef til vill breyst. Þetta er sumsé spurningin um eggið og hænuna, er kynlífsvæðingin afleiðing breyttra samskiptamynstra eða eru breytt samskiptamynstur afleiðing kynlífsvæðingarinnar? Sem sagnfræðinemi verða ég að hallast að hinu fyrra.

Mér fannst sömuleiðis pirrandi að Guðrún dró upp á glæru komutölur á neyðarmóttökuna fyrir þau ca. tíu ár sem þessi þjónusta hefur verið til staðar og benti á hversu mikið tímarnir hafa versnað með þeim rökum að komum hefði fjölgað og það margfalt á fyrstu árunum. Ég átti erfitt með að sjá hvað það ætti að sanna þar sem mér finnst eðlilegt að sjá aukningu í komum á nýja deild, það hlýtur jú að taka tíma að gera fólk meðvitað um að þessi þjónusta sé til og að konur eigi að nýta sér hana. Fræðsla um nauðganir og hvernig maður eigi að bregðast við hefur verið stóraukin á síðustu árum og er það vel. Ég held hinsvegar að tölur frá lögreglunni hefðu. þrátt fyrir að konur séu ekki nógu duglegar að kæra, verið marktækari í þeim tilgangi að leggja mat á hvort heimur versnandi færi.

En hey, hvað veit ég, ég er víst bara svo heilaþvegin af karlaveldinu að ég ber ekki skynbragð á eigin kúgun...

Þessi pistill hjá þér er svo gegnsósa af fordómum að það var bara erfitt að busla í gegnum hann án þess að drukkna í fordómaflaumnum. Þú gerir lítið úr orðum Guðrúnar Agnarsdóttur á þennan hátt: "..Engar rannsóknir, engin vísindi - bara skoðun miðaldra konu.." Og þú segir með hroka þess sem hefur uppgötvað hvað er stóri sannleikur hér í þessum heimi: "..Margar alvöru rannsóknir benda nefnilega til þess að fólk hafi hreinlega gott af klámi.." Æ, af hverju er ég að skrifa eitthvað hér... Fólk sem segist vita hvað er ALVÖRU RANNSÓKNIR kallar það sem því sýnist og þóknast ALVÖRU RANNSÓKNIR.

(Þetta innlegg skrifaði Salvör Gissurardóttir, sbr. texta hér -bre)