Sammála þessu hjá Bjarna. Það er almennt ósiðlegt að vera dónalegur, illgjarn og meinfýsinn og ég sé ekki að það þurfi að finna upp einhver sérstök siðferðislögmál í kringum það að linka.

Í mínum huga jafngildir það að linka því að tala um einhvern/eitthvað á óyggjandi hátt. Linkur er bara nákvæmt tilvísun.

Dæmi: Ef ég hitti kunningja minn út á götu og segi honum frá "honum Stefáni sem skrifar vefleiðara", þá þyrfti ég að útskýra nánar hvaða Stefán ég meina, að hann hefur áhuga á kvikmyndum, er yfir meðallagi þungur, með músgrátt hár, og pabbi hans heitir Halldór. Þegar ég tala á vefnum um hann Stebba, þá get ég sleppt öllum þessum útskýringum og nota bara link í staðinn...

Linkurinn sjálfur er alveg hlutlaus (og ætti í *öllum* tilfellum að vera löglegur) en það hvernig ég nota hann getur verið ýmist siðlegt eða ósiðlegt.

Sæll aftur!
Mér finnst samt munur á bloggsamfélaginu (og Molunum þar á meðal), sem eins konar samfélagi einstaklinga þar sem hver tengir á annan á jafnréttisgrundvelli, en þegar víðlesnir fjölmiðlar eru að vitna í persónulegar pælingar einstaklinga á netinu.
Enda virðast mér dagblöðin yfirleitt forðast að vitna beint í bloggsíður (því miður ekki alltaf), sem bendir til þess að þar sé fyrir hendi siðferðislegur hemill.
Mér finnst líka að við verðum stundum að velta því fyrir okkur hvort hlutir þurfi að vera bannaðir til þess að við gerum þá ekki.

Ég bíð enn eftir deginum þar sem Pétur Blöndal segir í pontu „á gummijoh.net stendur að kvótakerfinu þurfi að breyta og færa hann til fólksins í stað þess að hann sé kjurr í fílabeinsturni kvótagreifanna. Þetta einskýr vilji kjósenda því það voru allir sammála honum í athugasemdakerfinu hans." Má reyndar vera Kolbrún Halldórs sem segir þetta en það er þá bara hálfur sigur

Unnur kemur með góðar pælingar: Siðlegt að tengja, siðlegt að skrifa?

Nú velti ég fyrir mér, er (ó)siðlegt af mér að draga þessar pælingar hennar í sviðsljósið?

"Ég ætla að skrifa grein í Moggan og í formálandum ælta ég að tiltaka hverjir mega lesa greinina, hinir mega það ekki." - birtist hér (líklega ekki varanleg slóð).