Ég er algjörlega sammála að sökin er aðallega hjá RHÍ að uppfylla ekki fræðsluskyldu sína og leiðbeina notendur í notkun kerfisins. Þetta með að menn hætti að treysta Unix kerfunum er líklega rétt hjá þér líka.

En mér finnst samt óeðlilegt að menn ákveði sí svona að labba um og snúa hurðarhúnum í von um að einhver hefði gleymt (eða ekki kunnað, sem er líklega tilfelið uppí HÍ) að læsa. Hvergi kom fram í skrifum Arnars að hann hafi lagt upp með það að leysa einhver öryggisvandamál - þvert á móti sagðist hann hafa verið steinhissa og óviss um hvernig hann ætti að bregðast við.

Það er hinsvegar mjög líklegt að hann hafi bara ekkert hugsað út í það að það væri eitthvað óeðlilegt að flakka svona um og skoða - sem aftur má rekja til kennslunnar sem hann hefur fengið á sínum tíma. Það þarf að kenna flestum kurteisi og mannasiði, hún er hvorki meðfædd né augljós. Flestir taka slíkri kennslu vel. Ef hún gleymist þá er við kennarann að sakast, ekki nemandann.