Unnur vildi meina að þetta væri alltaf eins og sagði að ég væri bara að flækja málin þegar ég hafði þessa valkosti inni. En ef einhver veit betur þá er ég alveg til í að flækja umsóknina aftur...

Allar pillur sem ég veit um (og ég hef rannsakað málið soldið á síðustu 6 árum) miða við 28 daga tíðahring og viku pásu. Hinsvegar er mismunandi hvernig er farið að því að taka pásuna. Pillan mín (mercilon) virkar þannig að ég tek 21 pillu sem eru allar eins samsettar og tek svo vikuhlé. Aðrar pillur eins og t.d. Ortho tri-cyclen virka þannig að eitt spjald (mánaðarskammtur) inniheldur þrisvar sinnum sjö pillur með mismunandi hormónum og svo sjö gervi/sykurpillur sem maður á að taka í "pásunni". Það getur auðvitað verið að það séu til e-ar aðrar aðferðir til að gera þetta en ég hef ekki heyrt um þær.

Hinsvegar hafa verið uppi kenningar um að blæðinghléið sé í raun og veru óþarft. Cosmopolitan birti t.d. ansi sannfærandi grein um það í fyrra þar sem því var haldið fram að ekki væri nóg með að það væri alger óþarfi að legið væri að "hreinsa sig út" mánaðarlega heldur væri það hreint og beint til þess fallið að auka líkurnar á krabbameini að það væri sífellt að byggjast upp og rifna burt slímhúð í leginu. Mér finnst þetta ekkert svo vitlaust, sérstaklega þar sem það er viðurkennd staðreynd að það að vera á pillunni og hafa ekki egglos, (að eggin séu ekki að "poppa" út úr eggja stokkunum og svo að gróa aftur fyrir) minnki líkurnar á krabbameini í eggjastokkum. Hinsvegar hef ég ekki enn fundið kvensjúkdómalækni hér á íslandi sem er sammála því að maður eigi bara að borða endalausar pillur og það að hafa skrifað netdoktor.is i tvígang með fyrirspurn hefur heldur ekki skilað neinum árangri.

p.molar.is er hinsvegar algerlega eitthvað sem þarf að sníða einhverja hönnunargalla af með hjálp notenda. Þú ættir kannski að benda á það á forsíðunni Bjarni og biðja fólk um feedback?